Ang mga isyu sa kalusugan ng pag-iisip ay mas mataas sa mga grupo ng minorya

Ang mga isyu sa kalusugan ng pag-iisip tulad ng pagkabalisa at depresyon ay karaniwan – mahigit sa 1 sa 5 nasa hustong gulang sa U.S. ang namumuhay nang may isyu sa kalusugan ng pag-iisip. Ang mga grupo ng minorya, tulad ng mga imigrante, people of color, at taong kabilang sa LGBTQIA+ ay nakakaranas ng mas matataas na rate ng mga isyu sa kalusugan ng pag-iisip. Kadalasan, hindi nakakakuha ng tulong ang mga grupo ng minorya. Dahil ito sa trauma, takot sa kung ano ang maaaring isipin ng iba, kakulangan ng access sa pangangalagang pangkalusugan, at marami pa.

Kung may mga sintomas ka ng isyu sa kalusugan ng pag-iisip, matutulungan ka ng SFHP na makuha ang pangangalagang kailangan mo. Kumpidensyal ang pangangalaga sa kalusugan ng pag-iisip, at hindi mo kailangan ng referral mula sa isang doktor.

Paano makakatulong sa iba?

Makakatulong ang pakikipag-usap sa iyong mga mahal sa buhay tungkol sa kamalayan sa kalusugan ng pag-iisip. Kapag tinatalakay mo ang kalusugan ng pag-iisip, nagiging mas madali para sa mga taong nangangailangan ng tulong na pag-usapan din ang paksa. Maaari mo ring hikayatin ang mga mahal mo sa buhay na kunin ang pangangalaga na kailangan nila.

Mga sintomas ng mga isyu sa kalusugan ng pag-iisip na dapat bantayan:

  • Mahigit 2 linggo nang nalulungkot
  • Pagkawala ng interes o kagalakan sa mga libangan o pakikipagkita sa ibang tao
  • Pagkapagod o kawalan ng enerhiya
  • Pagtaas o pagbaba ng timbang
  • Mga pagbabago sa mga pattern ng pagtulog o pagkain
  • Problema sa pagtuon at memorya
  • Problema sa pananatiling tahimik o pagsasalita nang mas mabagal kaysa sa normal
  • Matinding pagkasigla at pagkalugmok
  • Mga saloobin ng pananakit sa iyong sarili o ng ibang tao
  • Paranoia (hindi pagtitiwala sa iba kahit walang banta)
  • Paggamit ng droga o mas madalas na pag-inom ng alak
  • Nakakakita o nakakarinig ng mga bagay na wala roon
  • Pagkabalisa

Kailan dapat humingi ng tulong?

Kung nahihirapan ka sa mga sintomas ng kalusugan ng pag-iisip, makipag-usap sa isang kaibigan, pamilya, grupo ng suporta, o helpline.

Kung marami kang sintomas o kung ang iyong mga sintomas ay nagdudulot ng mga problema sa trabaho, paaralan, o sa iba, pumunta sa isang doktor o eksperto sa kalusugan ng pag-iisip.

Kung naiisip mong saktan ang iyong sarili o ang iba tumawag sa 911 o pumunta sa pinakamalapit na emergency department. Tumawag sa isang helpline (i-dial ang 988 para sa tulong), o tumawag agad ng doktor, o eksperto sa kalusugan ng pag-iisip.

Paano Makakatulong Ang SFHP!

Nakikipagtulungan ang SFHP sa Carelon Behavioral Health para magbigay ng pangangalaga sa kalusugan ng pag-iisip. Kasama sa pangangalaga sa kalusugan ng pag-iisip ang:

  • 1-on-1 na tulong at panggrupong paggamot. Maaaring kasama sa paggamot ang gamot o pakikipag-usap sa isang eksperto sa kalusugan ng pag-iisip. Minsan ay maaari mong makuha ang pangangalagang ito sa iyong klinika ng pangunahing pangangalaga.
  • Pagsusuri sa kalusugan ng pag-iisip, kung kinakailangan, para suriin kung may isyu sa kalusugan ng pag-iisip.
  • Outpatient na pangangalaga tulad ng pagkuha ng lab work, mga gamot, at mga supply.

Maaari kang tumawag sa Carelon Behavioral Health para matuto pa o kumuha ng appointment sa 1(855) 371-8117 o pumunta sa carelonbehavioralhealth.com.

Matuto pa sa iyong Handbook ng Miyembro ng SFHP o sa Mga Serbisyo sa Kalusugan ng Pag-uugali at Pag-iisip ng SFHP.